09 marzo, 2017

Exposición "Titoán"

Na Biblioteca pódese contemplar unha exposición facsimilar sobre os cadriños do cómic de Inacio e Iván Suárez "Titoán". A tamaño A3, os autores ofrécennos unha visión do traballo previo á impresión do libro, mesmo con un dos deseños orixinais.
Da montaxe encargouse o compañeiro Moncho.




A seguir a mostra:






07 marzo, 2017

X Olimpíada do saber: Clasificación final.


Despois de tres intensas semanas chegou o momento de pechar unha nova edición da nosa Olimpíada. Dende a Marela queremos felicitar a tódolos equipos participantes polo interese amosado e polo esforzo realizado. O equipo gañador desta edición foi Aritmética AA, quen nun emocionante final superou a Albariño, equipo que liderou a clasificación as dúas primeiras semanas. A continuación tedes os resultados finais.



06 marzo, 2017

Concurso de caretas de Entroido

O Departamento de Artes Plásticas da man do compañeiro Fran Otero organizou, co gallo do Entroido, un concurso de caretas que resultou ser todo un exitazo. As mesmas estiveron expostas na Biblioteca do centro para desfrute da comunidade educativa.
O resultado deixou como gañadoras, tras votación popular, as alumnas Olalla Lamela López, Noa Blanco González e Noa Faílde Fernández. Parabéns ás tres e a todas as persoas participantes que nos deleitaron coa súa vea creativa.
A seguir unhas instantáneas da entrega dos premios:




E, como non, as caretas preferidas:

E por último unha pequena mostra da exposición á caloriña dos libros: